PARMAWI THANG VULNA - Liandala - Nursery Veng YMA Zaipawl Kan tlang ram par vulna, Thal khua eng riai romei karah; Lenkawl turni nem duai, Zai tin rimawi an chiar nghian e. Thunawn Phunchawng, Nauban, Ainawn par, Tuah, Vau, Chhawkhlei, Senhri par; Chawnpui, Pang, Samtlang, Dingdi, Parmawi thang vulna, Zoram hmun zau-vah. Fan changin tlang liante, Lungleng kan uai par zunlengah; Chhuahtlang lamtluang zawng leh Thing tin rihnim parin a bawm. Chhaktianga'n par an vul, Chhawkhlei, Ainawn, Chawngtlai, Hawilo; Phunchawngpui phai bawmtu, Thingsir leh Mualhawih, Chawnpuipar. Thinlai hnem par lawmna, Zozam, Chuailo, Derhken, Arkhuan; Chin par mawi tlang vulna, Ram bukthlam leh run in sumtual.
